陶大宇唱《倒轉地球》網上熱爆 保錡 @ ERROR惡搞2.0：睇咗100次（#陶大宇 #倒轉地球 #保錡 #ERROR #娛壹 ）

58歲嘅 #陶大宇 同唔少藝人一樣，鍾意北上掘金，憑住「 #師奶殺手」外號，加埋幾首飲歌走遍 #大灣區，最近佢喺一次登台騷，表演 #劉德華 名曲《#倒轉地球》，其「#宇宙級」嘅唱腔簡直唱到出晒位，成為網上 #洗腦歌，加埋獨特嘅「 #水撥式」台風連帶「噓」、「yeah」、「喂」嘅自high反應，頓時成為 #網絡紅人，佢過往多條登台短片，更如系列般喺內地網瘋傳，唔少人剪咗短版loop爆，仲話唱成咁好有治癒作用，人氣爆燈度超越當年《 #壹號皇庭》。

而呢陣「 #大宇風」由大灣區吹到返香港，佢嘅唱腔、台風有唔少人模仿，其中「#宇宙天團」 #ERROR 成員之一嘅 #保錡 就忍唔住嚟個惡搞陶大宇2.0，扮佢唱《倒轉地球》放上個人IG Story，繼之前扮 #七師傅「 #閃電七連鞭」後，保錡果然緊貼網風。

日前保錡已經喺網上留言，話睇咗陶大宇唱《倒轉地球》100次，睇咁多次都唔夠，仲要repost喺自己個IG Story，就知佢真係好like陶大宇嘅唱歌片。repost都未夠，佢今日仲要扮陶大宇震撼大中華嘅唱腔，拍成短片放喺IG Story，而且一啲都唔hea，有晒舞台燈光揸晒咪，表情、唱腔扮到足，特別係瞪大隻眼唔眨兼一個呆樣簡直維妙維肖，唯一美中不足係保錡欠套格仔老西「登台」囉！

話時話，陶大宇唔止得 #劉華《倒轉地球》一首飲歌，佢仲試過唱劉華另一金曲《 #愛你一萬年》，睇佢學足對方「水撥式」嘅台風，斷估58歲嘅大宇係華粉。唔好以為佢廿幾年前已經北上搵食，「 #煲冬瓜」應該好流利，聽佢唱《愛你一萬年》，驚覺佢同「撚呔撚」 #古天樂 原來有得fight。

飲北水多年嘅陶大宇，係1983年 #TVB #藝員訓練班 第十二期畢業，同期有 #劉嘉玲、#吳君如、#藍潔瑛、#劉青雲。畢業後，佢一直被安排做配角，直至92年佢參演嘅《壹號皇庭》及《#刑事偵緝檔案》系列大受歡迎，外界封佢為「師奶殺手」，令演藝事業攀上高峰。不過， 97年因合約問題同TVB鬧翻，當時陶大宇轉會簽俾 #王晶 旗下公司，又過檔拍 #亞視 劇。
然而世界係圓嘅！ 03年，佢同TVB復和回巢，美好關係只維持6年，09年陶大宇話因為公司有年半冇畀劇佢拍，所以趁約滿索性唔再續，加入北上搵人仔系列。講到陶大宇最令人深刻嘅，唔止係《壹號皇庭》嘅「#江承宇」、《#大時代》嘅「#丁益蟹」同《刑事偵緝檔案》嘅「#張大勇」，仲有佢嘅情史。07年，佢同 #郭羨妮 拍《#學警出更》戲假情真，陶大宇為咗郭羨妮，與拍拖十年、結婚七年嘅老婆 #黃慧寶 離婚，當時呢單新聞轟動娛圈，兩個仲因為咁而形象破產，事業一度跌落谷底。

影片來源：a4pklabs @ IG、保錡IG、國際機場公廁 @ YouTube

#娛壹

------------------------------------------
即刻跟住Follow 晒我哋Channel：
FB： http://fb.me/as1hk.entertainment
IG： https://www.instagram.com/as1.entertainment/
YT： https://www.youtube.com/channel/UCgaIJfwFLXQsasrffZt4cEw